Ostiral honetan hasiko da XLII. Baztan – Erreka Laxoa Txapelketa. Aurten, beste urteetan ez bezala, txapelketa pixka bat beranduago hasiko da. Hala ere, urteroko formatu berdina mantenduko da. Ligaxka lehenik, gero final laurdenak eta final erdian, eta azkenik, final handia. Aurtengo txapelketan 10 taldek parte hartzen dute, bi multzotan banaturik. Doneztebeko lau talde, Iruritako hiru talde, Arraiozko bi talde eta Oizko talde bakarra daude txapelketan. Informazio gehiago nahi baduzue, hemen klik egin dezakezue.
Gainera, lehen jardunaldiaz gain, asteburu honetan bigarren jardunaldia ere jokatuko da. Beraz, ostiraleko lehen jardunaldiaz gain, asteburuan bigarren jardunaldia ere izango dugu. Partiduetako ordutegiak hurrengo egunetan argitaratuko ditugu.
Aipatzekoa aurtengoan Mariezkurrena Eraikuntzak daukagula txapelketako babesle bezala. Oso garrantzitsua da Laxoari eskaintzen dion laguntza.
Besterik gabe, goiko estekan klik egitera gonbidatzen dizuegu txapelketari buruzko informazio gehiago jaso nahi baduzu.
Plazan ikusiko gara!
Utzi zure komentarioa