Aurreko asteburuan jokatu ziren gaztetxoen laxoa txapelketako finalak. Hasiera batean, Iruritako Erreboteko plazan jokatu behar ziren finalak, baina ezinezkoa izan zen han jokatzea eta azkenean, Doneztebeko Behar Zana plazan jokatu ziren.
Gazteak
Gazteen laxoa finalak
Asteburu honetan, Iruritako plazan, jokatuko dira gazteen laxoa txapelketako finalak.
Oiz, txapeldun bikaina
Erraz irabazi zuen Gazte mailako finala (9-3)
Oizko taldeak irabazi zituen larunbatean Laxoako 2019ko Gazte mailako txapelak. Garaipen erraza lortu zuen Doneztebe B taldearen aurka, dizdira handiarekin. Partidu bikaina oiztarrak egin zutena, Xuban Ilarregik bikain sakearekin, Mikel Mikelarena ederki numero lanetan eta Aimar Ariztegi eta Uxue Ilarregi (txapelketako neska bakarra) kuarto bikote ederra eta eraginkorra osatuz.
Oizko laukotea, ederki merezitako txapelekin. Oizko zale batek utzitako argazkia.
Doneztebe B taldeak (David Mitxeo, Erik García, Ander Ruiz y Urko Oiarzabal) ligaxka bikaina egin ondoren ez zuen aukerarik izan Oizkoek hasieratik menperatutako Finalean.
Irurita B hirugarrena, Doneztebe C taldeari irabaziz
Emozio handiagoa izan zuen hirugarren eta laugarren postuak erabakitzeko partiduak. Doneztebe C taldea hasi zen aurretik (4-o y 5-2), baina etxekoek irauli egin zuten norgehiagoka. Azkenean, Irurita B 9 – Doneztebe C 7.
Agintariak eta lau taldeko jokalariak, sarien banaketan. Ondicolen argazkia
Doneztebe B – Oiz, gazteen Finala
Ligaxkan lehenak eta hirugarrenak izan ziren Doneztebe “B” eta Oiz taldeek jokatuko dute larunbatean eta Iruritako plazan, gazteen txapelketako Final Handia. Finalerdietan, Irurita “B” eta Doneztebe “C” taldeak gainditu zituzten.
Gazteen azkeneko borroka finalean sartzeko
Joaneko partiduen ondoren, dena airean dago finalistak ezagutzeko. Adbantaila txikia izan dezake Doneztebe B taldeak, kanpoko plazan lortu baitzuen irabaztea, bainan emaitzak hagitz estuak dira. Itzuliko partiduen seinalamenduak hemen:
Doneztebe B – Irurita B (7-5 joanekoan doneztebarren alde), asteazkenean, irailak 4, 17:00etan.
Doneztebe C – Oiz (5-7 joanekoan Oiz taldea irabazle), larunbatean, irailak 7, 18:00etan
Errandakoa, emozio handia espero dugu bi egunetan Doneztebeko Bear-Zana plazan