Larunbatean jokatu zen XLIV. Nafarroako Laxoa Txapelketako finala Arraiozko plazan, eta berriz ere, Doneztebe The Moment izan genuen txapeldun. Aurtengo finalean, Maldaerrekako bi taldek jokatzen zuten, Doneztebe The Moment alde batetik, eta Oitz A, bestetik. Doneztebekoak iaz lortutako txapela defendatzen zuten, hortaz, gorriz jokatu zuten partidua. Oitzko taldea, urdinez, sorpresa emateko asmotan joan ziren. Baina partiduan, hasieratik nabarmendu ziren Doneztebekoak, 9-0ko markagailua jarriz.
Aurtengo Txapelketa
Final handia!
Asteburuan, Arraiozko plazan, Nafarroako XLIV. Laxoa Txapelketako finalak jokatuko dira. Goizean, 3. posturako partidua jokatuko dute Arraioz Sagardia eta Doneztebe Apeztegiak. Arratsaldean, Doneztebe The Moment eta Oitz A-k final handia jokatuko dute.
Irurita Migelene txapeldun txiki!
Larunbatean jokatu zen txapelketako final txikia Doneztebe Titi eta Irurita Migeleneren artean eta Iruritarrek eraman zuten txapela etxerat.
FINAL TXIKIA
Asteburu honetan jokatuko da laxoa txapelketako FINAL TXIKIA. Larunbatean izanen da, arratsaldeko 5:30etan, Arraiozko plazan. Finala, Doneztebe Titi eta Irurita Migeleneren artean izango da. Iaz, Iruritarrek jokatu zuten final hau ere, baina ez zuten txapela lortu, Oitz aldera joan zen eta. Errekakoa, iaz final handiko 3-4 postuko partida jokatu zuten.
Titikoak gorriz jokatuko dute eta taldea Eloy García, David Mitxeo, Erik Garcia eta Imanol De Ruedak osatuko dute. Migelenekoak, aldiz, urdinez jokatuko dute eta taldea Xabi Barberena, Iñigo Dendarieta, Mikel Sagaseta eta Oinatz Jauntsaratsek osatuko dute.
Aipatu ere, hurrengo astean izanen direla final handiko partiduak, baina horri buruz heldu den astean solastuko gara.
Eskerrak eman ere Mariezkurrena eraikuntzak eta Laboral Kutxari, aurtengoan ere (badira jada urte batzuk jarraian), txapelketa hau antolatzen lagundu digute eta babeslegoarekin. Seguru partidu polit bat ikusten dugula.
Plazan ikusiko gara!
Final erdi txikiko emaitzak
Asteburuan jokatu ziren final erdi txikiko itzuliko azken bi partiduak. Lehen partiduan, Doneztebe Titik 7-9 irabazi zuen Oitz Bren aurka Oitzko plazan. Emozioz beteta egon zen partidua, baina azkenean Doneztebekoen aldera joan zen.